კონფიდენციალურობის პოლიტიკა – Privacy Policy
- კონფიდენციალურობის პოლიტიკა, პერსონალური მონაცემების გამოყენება და მისი მიზნები
პერსონალურ მონაცემთა დაცვის პოლიტიკა აღწერს თუ როგორ ამუშავებს forumi.ge თქვენ მიერ ჩვენთვის მოწოდებულ ინფორმაციას და მონაცემებს. ჩვენს ხელთ არსებული ნებისმიერი ინფორმაციის დამუშავება ხდება წინამდებარე პოლიტიკით განსაზღვრული წესით. აღნიშნული დოკუმენტით გვსურს, გაგიზიაროთ თუ რა საფუძვლით და მიზნით მოვიპოვებთ და ვამუშავებთ თქვენს პერსონალურ მონაცემებს და რა სამართლებრივი და ტექნიკური საშუალებებით ვიცავთ მათ. საიტზე შემოსვლით თქვენ აცნობიერებთ და აცხადებთ, რომ თქვენთვის გასაგებია და თანახმა ხართ თქვენი პერსონალური მონაცემების დამუშავება მოხდეს ამ პოლიტიკის შესაბამისად.
- პერსონალური მონაცემები, რომელთა შეგროვება და გამოყენებაც ხდება საიტზე
მონაცემების შეგროვება ხდება რეგისტრაციის დროს შეყვანილი ველებიდან და პოსტებიდან. პერსონალურ მონაცემებს მიეკუთვნება:
– მომხმარებლის ანგარიშის დეტალები: სახელი და გვარი, ელექტრონული ფოსტის მისამართი, ფაქტობრივი მისამართი, ტელეფონის ნომერი, IP მისამართი და ა.შ.
– მომხმარებლის აქტივობების დეტალები: განთავსებული განცხადებები, პოსტები, ასევე Google Analytics-ის მიერ შესწავლილი მომხმარებლის აქტივობები.
- პერსონალური მონაცემების გადაცემა და გაზიარება
საჭიროების შემთხვევაში, მონაცემების დამუშავების საფუძვლების არსებობისას, კანონმდებლობით ან ხელშეკრულებით ნაკისრი ვალდებულებების შესასრულებლად თქვენი პერსონალური მონაცემები შეგვიძლია გავუზიაროთ forumi.ge-ს საქმიანობასთან დაკავშირებულ და ქვემოთ ჩამოთვლილ სხვა პირებს:
– თქვენს კანონიერ წარმომადგენელს;
– სამართალდამცავ ორგანოებს ან კანონმდებლობით განსაზღვრულ სხვა ორგანოებს;
– მესამე მხარეებს, ვისთვისაც გვთხოვთ (ან ნებას გვრთავთ) თქვენი მონაცემების გაზიარებას;
– მესამე მხარეებს, ვისთვისაც ინფორმაციის გაზიარება აუცილებელია თქვენ მიერ მოთხოვნილი პროდუქტებისა და სერვისების მიწოდების უზრუნველსაყოფად;
– მომსახურების პროვაიდერებს – კომპანიებს, რომლებიც გვიწევენ მომსახურებას ან გასწევენ მომსახურებას ჩვენი სახელით;
– კანონმდებლობით გათვალისწინებულ ნებისმიერ მესამე პირს.
- პერსონალური ინფორმაციის უსაფრთხოდ შენახვა
– საიტი არ იყენებს ვირუსულ და შპიონურ პროგრამებს.
– საიტი არ ასაჯაროვებს ისეთი ტიპის ინფორმაციას, რომლის გასაჯაროებაც არ შეიძლება.
– საიტზე არ ხდება პლასტიკური ბარათებისა და სხვა გადახდისთვის საჭირო ინფორმაციის შენახვა ან დამუშავება.
– პირადი მონაცემების შენახვის ვადა განსაზღვრული არ არის.
- კონფიდენციალურობასთან დაკავშირებული თქვენი უფლებები
თქვენ უფლება გაქვთ:
– მიიღოთ ინფორმაცია თქვენს შესახებ დამუშავებული მონაცემების თაობაზე;
– მოითხოვოთ მცდარი, არაზუსტი ან/და არასრული მონაცემების გასწორება, განახლება ან/და შევსება;
– მოითხოვოთ მონაცემთა დამუშავების შეწყვეტა ან სრული წაშლა.
- პროფილისა და პირადი მონაცემების წაშლა
პირადი ინფორმაციისა და პროფილის წაშლის სურვილის შემთხვევაში უნდა მიმართოთ საიტის ადმინისტრაციას ფეისბუქის მესენჯერის მეშვეობით მისამართზე facebook გაითვალისწინეთ, რომ წაშლილი მონაცემები აღდგენას აღარ ექვემდებარება.
- თუ გექნებათ შეკითხვები უსაფრთხოების პოლიტიკასთან დაკავშირებით, შეგიძლიათ დაგვიკავშირედეთ მეილზე ან ფეისბუქზე
ზოგადი მიმოხილვა
- ფორუმი შექმნილია თავისუფალი და სამართლიანი მსჯელობისათვის, აზრებისა და ცოდნის გაცვლისთვის, ასევე საზოგადოებრივი შეგნებისა და სამოქალაქო აზრის განვითარებისათვის. ნებისმიერი ტიპის პოსტინგი, მსჯელობა, კამათი ან რაიმე საქმიანობა მისაღებია გარდა უზრდელობისა, უხამსობისა, დემაგოგიისა, დეზინფორმაციისა, პროპაგანდისა და უარგუმენტო მსჯელობისა. ფორუმი მიესალმება ნებისმიერს, ვინც რაიმე სახით პოზიტიურად იაქტიურებს ფორუმზე, ნეგატიურ ქმედებებზე კი შესაბამისი რეაგირება იქნება. ქართული ფორუმი აღიარებს მორალურ და ზნეობრივ წესებს, ასევე იურიდიულ ნორმატივებს, ეროვნულ ფასეულობებს და ადამიანის ფუნდამენტურ უფლებებს, სხვა ვალდებულებები ფორუმს არავის და არაფრის წინაშე არ გააჩნია.
ძირითადი წესები:
1. პოსტინგის წესები
1.1 - პოსტი უნდა ეხებოდეს თემის შინაარსს.
1.2 - პოსტი უნდა იყოს სასარგებლო და აზრიანი.
1.3 - თემის გახსნა უნდა მოხდეს განყოფილების შესაბამისად.
1.4 - დაცული უნდა იყოს მართლწერისა და გრამატიკის წესები.
1.5 - ნებისმიერი ტექსტი უნდა იყოს შინაარსობლივად გამართული და ლოგიკური.
1.6 - ნებისმიერი ტექსტი უნდა აკმაყოფილებდეს მორალურ და ზნეობრივ ნორმებს.
2. ქცევის წესები
2.1 - დემაგოგია, პროპაგანდა და იარლიყების მიწებება აკრძალულია.
2.2 - ლანძღვა და კრიტიკა არ უნდა გადავიდეს შეურაცხყოფაში.
2.3 - აკრძალულია ნებისმიერი პირის შეურაცხყოფა, თუ ის არ არის კრიმინალი.
2.4 - ბილწსიტყვაობა და უხამსობა ნებისმიერ შემთხვევაში ისჯება.
2.5 - ზრდილობის ნორმების დარღვევისას დასაშვებია მოპასუხისგან ადეკვატური პასუხები.
2.6 - დასჯადია არაადეკვატური და უსამართლო ქცევები.
2.7 - კონფლიქტის დროს ისჯება დამნაშავე, და არა ადეკვატური მოპასუხე.
3. კამათის წესები
3.1 - კამათისას სავალდებულოა ზრდილობიანი ურთიერთობა.
3.2 - ნებისმიერი მტკიცებას თან უნდა ახლდეს არგუმენტები.
3.3 - დასაბუთების მოთხოვნისას მოპასუხე ვალდებულია არგუმენტებით დაასაბუთოს თავისი მტკიცება.
3.4 - მოდერებს უფლება აქვთ ნებისმიერ დროს მოითხოვონ დასაბუთება და მიიღონ შესაბამისი ზომები.
3.5 - კამათისას დაუშვებელია დემაგოგია, სიტყვის ბანზე აგდება, თემიდან გადახვევა, პირადულზე გადასვლა და სხვა არასწორი ქმედებები.
4. სასჯელი წესების დარღვევისას
4.1 - წესების დარღვევისას ადეკვატურ სასჯელს განსაზღვრავენ მოდერატორები.
4.2 - წესების უხეში ან რამოდენიმე დარღვევისას იუზერი ფორუმიდან წაიშლება.
4.3 - დარღვევაზე რეაგირება ხდება გარკვეული დროის შემდეგ, როცა მას მოდერატორი აღმოაჩენს.
4.4 - ფორუმის წევრი შესაძლოა შეიზღუდოს პოსტვაში, მიეცეს გაფრთხილება ან დაისაჯოს, თუ მოდერატორები მის რაიმე ქმედებას ფორუმისთვის ნეგატიურად ჩათვლიან.
4.5 - გაითვალისწინეთ! დარღვევის შეფასება ხდება რეალური შინაარსობრივი კონტექსტით და არა ფორმალურად.
5. უსაფრთხოების წესები
5.1 - ფორუმზე განთავსებულ ნებისმიერი სახის მასალაზე პასუხისმგებელია მისი ავტორი.
5.2 - ფორუმის წევრების კონფიდენციალობა დაცულია მაქსიმალურად შესაძლებელ დონეზე.
5.3 - ფორუმის კონფიდენციალური ინფორმაციის გაცემა შეიძლება მოხდეს მხოლოდ მკაცრად კანონმდებლობის შესაბამისობაში.
6. რა უნდა გაითვალისწინოთ
6.1 - ყოველთვის შეეცადეთ იყოთ პოზიტიური.
6.2 - ნებისმიერ ვითარებაში შეინარჩუნეთ ადეკვატურობა.
6.3 - შეეცადეთ წაკითხულიდან სწორი აზრი გამოიტანოთ.
6.4 - უსაფუძვლოდ ნურავის დაადანაშაულებთ.
6.5 - ყოველთვის იკამათეთ მხოლოდ ლოგიკურად და არგუმენტებით.
6.6 - ნაადრევი დასკვნების გამოტანამდე კარგად დაფიქრდით.
6.7 - ნებისმიერი პოსტი დაწერეთ კარგად გააზრებულად, რათა შეძლოთ არგუმენტებით დადასტურება.
6.8 - გახსოვდეთ! ფორუმი შექმნილია სასარგებლო და პოზიტიური საქმიანობისთვის, ამიტომ ნუ შეეცდებით ნეგატიური და ბოროტი ქმედებებისთვის გამოიყენოთ ფორუმი, ამის საშუალება არ გექნებათ.
p.s. წესები ნებისმიერ დროს შეიძლება შეიცვალოს, ამიტომ ნებისმიერს შეუძლია მონაწილეობა მიიღოს წესების განხილვაში და გაუმჯობესებაში.
