Software Testing არის პროგრამირების სფეროში ხარისხის უზრუნველყოფის სპეციალისტებისთვის შექმნილი განხრა, რომლის მიზანია ახლადშექმნილ პროგრამაში კრიტიკული ხარვეზების პოვნა, მათი ანალიზი და შესაბამისი პირებისთვის შეტყობინება. ყველა ახალი ციფრული პროდუქტი აუცილებლად გადის ე.წ. მანუალურ (ხელით), შემდგომ ავტომატიზირებულ ტესტირებას.

კურსის განმავლობაში, მსმენელები მიიღებენ ხარისხის უზრუნველყოფის ტესტირებისათვის აუცილებელ პრაქტიკულ და თეორიულ ცოდნას. განვიხილავთ ავტომატიზაციის საფუძვლებს სელენიუმის გამოყენებით რეალური მაგალითების დამუშავებით.

კურსის ფარგლებში შევისწავლით პითონის საფუძვლებს, მიმოვიხილავთ ფაილების დამუშავებას და შევეხებით ობიექტზე ორიენტირებულ პროგრამირებას.

ვისწავლით ვებ ელემენტებთან მუშაობის პრინციპებს და სელენიუმის მეშვეობით ავტომატიზაციის სკრიპტების წერას. კურსის ლექტორი მსმენელებთან ერთად განიხილავს ყოველდღიურ პრაქტიკაში არსებულ გამოწვევებსა და მათი გადაჭრის თანამედროვე მიდგომებს, ტექნიკებს.